مشاهده دیوان استاد مولوی کرد (ئیمشه‌و ته‌نیایی)

شعر کامل ئیمشه‌و ته‌نیایی:

 

ئیمشه‌و ته‌نیا بی جه‌سته‌ی زه‌بوونم

دیسان سه‌رواز که‌رد دله‌ی پرهوونم

خه‌یالانی خام هاوردم به‌ردم

هاوار جه ده‌مه‌ی هه‌ناسه‌ی سه‌ردم

زووخاو گیج مه‌دا دیگی ده‌رووندا

هووناو هورشاناش جه‌سته‌ی زه‌بووندا

ره‌نگا ره‌نگ ره‌نگ ره‌نگ گولگوون هوونم

قرچه‌ی بریشته‌ی کووره‌ی ده‌روونم

چون دانه‌ی سه‌ر ساج هور ئامام جارجار

جه تاوی دووکه‌ل جه شه‌راره‌ی نار

سوزیام هه‌ی سوزیام وینه‌ی شوعله‌ی نوور

بیم سورمه‌ی سوبحان ئاوه‌رده‌ی کوی توور

من قه‌قنه‌س نه‌ویم ها بیم وه قه‌قنه‌س

یه‌کجاریچ ئیمشه‌و ها به‌رشیم جه ده‌س

ئه‌ونده خه‌یالان به‌ردم وه ده‌روون

په‌ی دووریی یاران به‌ته‌ر بیم زه‌بوون

رو جه شه‌و فیشته‌‌ر زار و زه‌لیلم

ساقی سا جامی ئه‌مجار ده‌‌خیلم

بده‌ر پیم نوش که‌م چون هه‌رده‌جاران

وه ره‌غمی گردین گروی مه‌یخاران

شیعری ویم ته‌نخوای سه‌متوور سازی

لیده‌ر سا نه‌یچی هه‌‌ر تاریش گازی

چنگ پیکو نه جه‌رگ نه‌غمه‌ی سازه‌که‌ت

به‌رارو توتو میقراز گازه که‌ت

سا ده‌رویش که‌فی بده نه رووی ده‌ف

گیان مونته‌زیره‌ن په‌ره‌ی ریزه‌ی ده‌ف

موغه‌ننی لیده‌ر یه‌ک ئیمشه‌و سازان

به‌شقی ئه‌و که‌سه توش ئاوات وازن

به‌لکه خه‌مانم تو ده‌ری وه باد

هه‌ی های جوانم فریم هه‌ن مراد

ساقی سا ده‌خیل وه فریادم ره‌س

به رووی نازه‌وه جام گیر وه ده‌س

ده‌ور ده‌ر وه ناز چون هه‌رده جاران

پیم‌ده‌ر یه‌ک مه‌نی سه‌با و ئیواران

با وه‌س بالینم سیلاوی هوون بو

ئامیته‌ی زووخاو دیگی ده‌روون بو

وه‌خته‌ن سه‌ر تا پام ببو وه زوخال

بویی سفته که‌م هورگیر و شه‌مال

ساقی ئامانه‌ن نه‌شوو جه ویرت

وه فریادم ره‌س تو به‌شقی پیرت

به‌ل ئیمشه‌و خه‌مان نه‌ده‌روم وه باد

ساقی گیان قوربان خاتر که‌ره شاد

بووه باعس ئه‌ی نیم گیانی سه‌خت

سا به‌لکه نه‌مرو مه‌عدوومی ی به‌دبه‌خت

لینک کوتاه این آهنگ:
MusicKordi.com/m/10619/

---

ارسال به دوستان (اشتراک گذاری):