مشاهده دیوان استاد مولوی کرد (ئاره‌زوومه‌ندیم)
ئاره زوو مه ندیم مولوی کرد
برگرفته از دیوان مولوی
ئاره‌زوومه‌ندیم جه حه‌د ویه‌رده‌ن
فراوان خه‌یلی تاسه‌ی توم که‌رده‌ن
قیبله‌م به‌و ئه‌حه‌د بی‌هه‌متای فه‌رده‌ن
سه‌وگه‌ند یه‌کیوه‌ن چه‌نی توم وه‌رده‌ن
فکر و خه‌یالان وه‌سواسه‌ی وه‌فات
(متن کامل شعر در ادامه مطلب)
متن کامل شعر ئاره‌زوومه‌ندیم:
ئاره‌زوومه‌ندیم جه حه‌د ویه‌رده‌ن
فراوان خه‌یلی تاسه‌ی توم که‌رده‌ن
قیبله‌م به‌و ئه‌حه‌د بی‌هه‌متای فه‌رده‌ن
سه‌وگه‌ند یه‌کیوه‌ن چه‌نی توم وه‌رده‌ن
فکر و خه‌یالان وه‌سواسه‌ی وه‌فات
دایم نه دله‌ن نه رووی سه‌ر به‌سات
شه‌وان تا وه رو فکرم جه لاته‌ن
روحی ره‌وانم نه خاکی پاته‌ن
قالبم بی‌روح ئه‌روام نه‌مه‌نده‌ن
من داخی حه‌یات زینده‌گیم که‌نده‌ن
نامت چون ئه‌وراد سوبح و ئیواران
موانووش وه گه‌رم نه پای دیواران
چه‌مم چوون شاباز ویلی شکار بو
دایم بال په‌رواز نه سه‌ر دیار بو
جه سه‌رقه‌لا وه مه‌گیلوون په‌ی تو
ده‌ک دیده‌م هه‌ر دوو سه‌د جار فدیت بو
ئامان هه‌ی ئازیز بینایی چاوان
گله‌م هه‌ن جه تو خه‌یلی فراوان
یانی چیش مه‌یلت فه‌راموش که‌رده‌ن
مه‌ر باده‌ت نه جام بی‌شه‌رتی وه‌رده‌ن
وه‌رنه یانی چیش نه جاران جاری
خه‌به‌ر ئه‌پرسی جه راویاری
ئومیدم ئیده‌ن ئامانه‌ن ئامان
جه‌ی فیشته‌ر ناسور نه‌وزی زامان
ئه‌حوالی حالات شه‌رت و وه‌فاکه‌ت
بکیانه په‌ریم توبی خوداکه‌ت
نه سال و نه ماه نه هه‌فته نه شه‌و
نه ساتی ئارام نه ده‌قیقه خه‌و
نمه‌شوم نه چه‌م دیده‌م نه دووریت
هه‌ر ئید موانوون ئاخ جه مه‌هجووریت
ئیسه کسی تاقه‌ت دووری تو دارو
ده‌ک به‌رقی غه‌زه‌ب وه جه‌سه‌م وارو
به سه‌رگه‌ردت بام ئه‌رواحه‌که‌ی ویم
جوابی سه‌ریح بکیانه په‌ریم
این آهنگ سید عبدالرحیم ملا سعید مولوی (مولوی کرد) در دسته آهنگ های کردی دکلمه کوردی قرار گرفته است.
MusicKordi.com/m/11031/
ارسال به دوستان (اشتراک گذاری):
پرطرفدارترین آهنگ‌های سید عبدالرحیم ملا سعید مولوی (مولوی کرد):
دانلود دکلمه اشعار مولوی کردمشاهده دیوان استاد مولوی کرد (به‌رزان هیلال)مشاهده دیوان استاد مولوی کرد (ئیمشه‌و ته‌نیایی)مشاهده دیوان استاد مولوی کرد (بی‌نازه‌ن)مشاهده دیوان استاد مولوی کرد (ئاخ چراخ چ ئاخ و ئه‌دای په‌شیوی)
نظرات:
نظر ارزشمند شما پس از تایید توسط موزیک کردی، منتشر خواهد شد.