دانلود دکلمه مه‌رگ دالک از علی الفتی همراه با متن کامل
علی الفتی مه رگ دالک
دانلود دکلمه شاعر علی الفتی بنام «مرگ دالک»ایلام - تیرماه 1399
نز ده پا ئهلچان، کله‌و بو
له سه‌رینه‌م وه‌ر ژه خوه‌ر
ها ده هوول ئاش و ئاو،
(متن کامل شعر در ادامه مطلب)
پخش آنلاین آهنگ علی الفتی مه رگ دالک :
متن دکلمه مه‌رگ دالک از علی الفتی:
نز ده پا ئهلچان،
کله‌و بو
له سه‌رینه‌م
وه‌ر ژه خوه‌ر
ها ده هوول ِ ئاش و ئاو،
هێمان
ها ده هووڵ ِ ته‌ش و تاو،
هێمان
ها ده هووڵ ِ هووڵ ِ ئیمه،
هێمان
گیانێ ئارام نیه‌گِرێ
ئی فه‌قیره داڵِگم ئویشم.
گزِگ ِ ماڵه‌گه ده‌ێ
پڕ و پرتاڵه جییه‌یله ئه‌ڵخه‌ێ
په‌ڕ ِ جیوانه‌گه گرده‌و که‌ێ
ئاوڔه‌شه‌ی که‌ێ
قه‌ن و قه‌ندانه دیارێ
چای و هه‌زوه‌ی رشنێ
هه‌ر چێ خوه‌م تیه‌ڵه‌و دبم،
ئه‌ۊ شرین‌تر رشنێ
وه دروو نێگه زوانم، به‌شکه‌م، م وه ئیوه بویشم:
ئه‌وساتێ،
ئاوه ئه‌ر رشیا،
رووشنایه،
ئمجاتێ
کوچڵه ئه‌ر شکیا
دڵتان نه‌شکنێ، که‌س
دیرێ هێمان دنێگه ژێر ِ زوانم، بیشم:
"دووستان دیرم،
دووس یا دژمن، هه‌ی ئه‌رێ هه‌ی،
ده‌یه‌تِ داڵِگِمه
ئه‌گه‌ریش ئیوه نه‌خوازن، هه‌م م هه‌م خوه‌م، دووسِتان دیرم"
کِ گڵاڵێگه زڵاڵ،
ئا ئا
داڵگ ئاوه
کیه‌نی‌ئاوه
داڵِگ ئه‌وره، ئه‌ورِ وارانه
داڵگ؛ عشقه
سه‌ره‌تای؛ عشق
بنه‌تای؛ عشق
عشقێگه بێ‌هووکی‌هووکی
جوور وه‌ڵگ ِ دار ِ وه‌ن
چۊ شه‌تاو ِ سه‌رد وه‌فراوان
هه‌ر وه وێنه‌ی وای وه‌هار
داڵگ ئه‌فتاو، خوه‌رهه‌تاوێگه له مێهر
داڵگ ئاساره، مانگه‌شاوێگه له عشق
نه، نه
داڵگ "اسم اعظم"ه
ناوه گه‌وراگه‌ی خودا
ده ده‌رانه‌ی ئاسمان،
هوورێ‌هوورێ
وه کل ِ چه‌م
دیرێ هه‌م لاونێگه‌‌م:
"لاوه لاوه‌گه‌‌ی لاوانمه‌سه‌ت،
وه زوانِ کوردی خاوانمه‌سه‌ت"
داڵگم ئویشم
ئی هه‌ژاره، هێمان
گووڕخه‌ریو و بێ‌که‌س و بێ‌ده‌س
که‌س نییه ئمشه‌و بلاوێنێ ئه‌ڕای
ده وڵاته بێ‌‌وڵاته‌ی، که‌س هه خوه‌ی بۊ، ئه‌ڕا کول‌که‌س
ئێڵ بۊ
وه‌رد ِ گشتێ ئێڵ بۊ
کڕ داوود بکیشن؛
خوه‌ی ئه‌ڔا خوه‌ی ئێڵێ بۊ
ئێڵه گه‌وراگه‌ی وڵات
زینِگ و مردِگ
گشتێ زانن
ئێڵِ گه‌وراتر خوه‌یه، خوه‌ی
نێشتمانێ بێ‌په‌ژاره؛ باوِشِ ِ خوه‌ی
داڵِگِم کوتگه‌ی له نۊر
کیه‌نیه‌ی خاسی و راسی
که‌ینووه‌ی خاسان و راسان
نۊر ِ گشت ِ کورده‌ماڵان
نۊر ِ گرد ِ کورده‌واری
سه‌رچه‌مه‌ی مێهر ِ زڵاڵ کوردیاتی
داڵِگ ِ کوردایه‌تی بۊ
وه‌رد ِ خوه‌ی "لاوه‌لاوه"ی برد؛
"خاو" مرد
وه‌رد ِ خوه‌ی مێهره‌بانی برد؛
"مێهر" مرد
وه‌رد ِ خوه‌ی "دایه‌دایه"ی برد؛
"جه‌نگ" مرد
وه‌رد ِ خوه‌ی، ئه‌ۊ، گوڵ ِ قالی برد،
ره‌نگ مرد
وه‌رد ِ خوه‌ی، ئه‌ۊ، "پا وه مووری" برد،
ده‌نگ مرد
وه‌رد ِ خوه‌ی، ئه‌ۊ، نێشتمان برد،
پێشت مرد
وه‌رد ِ خوه‌ی، ئه‌ۊ، گێشتمان برد،
"گێشت" مرد
وه‌رد ِ خوه‌ی، "رووڵه‌رووڵه"ی برد؛
"ژین" نه‌مرد
وه‌ردِ مه‌رگێ "ئاراما" گرت
زاوه‌رانێ له ژیان
وه دو گیان ئه‌وبۊ،
"دوگیانێ" تازه‌تر
وه‌رد ِخوه‌ی؛ چووزانم
مردنیش مرد
واگه دیرێ لۊلنێ
ماڵه دیرێ لوورنێ
شار گشتێ لاونێ
ئوو وه بێ‌ده‌نگێ بنووڕ:
"ئازیه‌تبار وڵاتێ" قیڕنێ:
داڵِگم مرد
مه‌رگ ِ داڵِگ،
داڵِگ ِ هه‌ر مردنێگه،
مه‌رگ ِ داڵگ،
داڵِگ ِ مه‌رگ ِ وڵاتێگه وه‌گرد
این پست علی الفتی در دسته دکلمه کوردی قرار گرفته است
MusicKordi.com/p/10602/
ارسال به دوستان (اشتراک گذاری):
پرطرفدارترین آهنگ‌های علی الفتی:
دانلود کتاب صوتی گه‌رمه‌شین از علی الفتیدانلود دکلمه گه‌رمه شین از علی الفتی | بهمراه متن کامل دکلمهدانلود کتاب صوتی گه‌رمه‌شین از علی الفتی | بخش آخردانلود دکلمه سروت باشوور از علی الفتی | شعر کردیدانلود کتاب صوتی گه‌رمییان از دکتر علی الفتی | دکلمه
نظرات:
نظر ارزشمند شما پس از تایید توسط موزیک کردی، منتشر خواهد شد.