مشاهده دیوان استاد مولوی کرد (ئیمشه‌و هه‌م خه‌مان)

متن کامل شعر ئیمشه‌و هه‌م خه‌مان:

ئیمشه‌و هه‌م خه‌مان وه‌نه‌م سه‌رداوه

سه‌ر تا پای ته‌نم ئایر وه‌رداوه

جه‌سته‌ی زه‌عیفم ئیستیخوانی ریش

هه‌ر ئازای ریشم مه‌گریا په‌ی ویش

گوشت و پوسته‌که‌م نه‌فت پیدا رژیا

مه‌غز و ئیستیخوان وه هه‌مدا بژیا

که‌س نه‌بی ئاویش بکه‌رو سه‌ردا

بلیسه‌ش به‌رز بی وه هه‌ر ته‌ره‌فدا

زاهیره‌ن دلم هه‌م کوسش که‌فته‌ن

داخوم جه دوسان هه‌م کی دوور که‌فته‌ن

جه تاوی ئایر ته‌نووره‌ی ده‌روون

دیسان سه‌رواز که‌رد زوخاو چه‌نی هوون

ساقی باوه‌ره ئه‌و مه‌ی دوو ساله

پیم‌ده‌ر یه‌ک جامی حالم به‌د حاله

موغه‌ننی کوکه‌ر سازانت وه هه‌م

سه‌متووری تاری وه هه‌م که‌ره جه‌م

نه‌یچی سا لیده‌ر قه‌زات وه مالم

ده‌می ده‌ر جه نه‌ی ده‌روون زوخالم

هوشی که‌ر هام‌فه‌رد سازان بسازه

بالات وه کالای خه‌مان بوورازه

باوه‌ره بسات ته‌مام ته‌یار که

شه‌وخه‌فته‌نی شووم به ژاری مار که

قه‌زای په‌نجه‌که‌ت ده‌ک له من که‌فی

خه‌یلی عاجزم سا لیده‌ر ده‌فی

باوه‌ره کووره‌ی دل نه جه‌هد و جه‌خت

رووی ته‌وبیخ وه‌لای مه‌عدوومی ی به‌دبه‌خت

برچسب ها :

مولوی کرد

ایمشو هم خمان

دکلمه ایمشو هم خمان

دکلمه کردی ایمشو هم خمان

ئیمشه و هه م خه مان

شعر ئیمشه و هه م خه مان

شعر کوردی ئیمشه و هه م خه مان

مولوی کرد ئیمشه و هه م خه مان

ایمشو هم خمان از مولوی کرد

شعر کوردی ئیمشه و هه م خه مان مولوی کرد

اشعار مولوی کرد