مشاهده دیوان استاد مولوی کرد (ئه‌یازی هه‌مراز)

متن کامل شعر ئه‌یازی هه‌مراز از مولوی کرد:

ئه‌یازی هه‌مراز ناله و ئاخ و دوود

عه‌رزش هه‌ن وه خاك ئاسانه‌ی مه‌حموود

یاوا، وات، نامه‌ی شیرین ئینشادت

نه‌ی ره‌مه‌زاندا نه‌شوون جه يادت

نه که‌رده‌ن ئیفتار، دوسه‌که‌ی کامل!

سیوای وه مه‌ی کووس خه‌یاله‌که‌ت، دل

«فاتیحه‌ی کیتاب» دوعام، شه‌و ئه‌ر رون

ئیلتیماسی حوسن خاتمه‌که‌ی تون

حه‌ق وه لوتفى ويش باوه‌رو ئه‌وریت

سوودی سه‌رمایه‌ی عه‌قیده‌که‌ی ویت

وہ‌رنه من لافاو تاوانان به‌رده‌م

دوعا رای ده‌رگای قه‌بوول گوم که‌رده‌م

نه‌یچی! من په‌نجه‌ی پای ناله‌م سفته‌ن

تو ده‌ی چون ته‌ئسیر وہ ناله‌ت جفته‌ن

چه‌ند فه‌ردی «مه‌عدووم» ده‌روون نه وه‌یدا

باوه‌ر جه ته‌نخوای ناله وه نه‌یدا:

من ويم مزانوو کام تومم کالان

یاران په‌ی هیممه‌ت وه نه‌م مه‌لالان

که‌ره‌م ده‌ر نه ده‌س رجای ئه‌وگاران

بو به‌خشه‌م وه عه‌شق مه‌زننه‌ی یاران

وه‌ختی گوشه‌ی شار خاموشان بو جيم

نه‌بوون وه ته‌سدیع هامسایانی ویم