مشاهده دیوان استاد مولوی کرد (ئیمشه‌و مه‌ینه‌تان)

متن کامل شعر ئیمشه‌و مه‌ینه‌تان از مولوی کرد:

ئیمشه‌و مه‌ینه‌تان نه ده‌روون جه‌مه‌ن

خیل‌خانه‌ی که‌یفم پر جه ماته‌مه‌ن

دیاره‌ن دووه‌ی دووری زور که‌رده‌ن

سوپای خه‌م و هه‌م هجووم ئاوه‌رده‌ن

شنوی ئاره‌زووی وه‌سلت زهوور که‌رد

لافاوی مه‌ینه‌ت کوگای شادی به‌رد

هووناوی ده‌روون ریشه‌ی گیان که‌نده‌ن

سه‌رمایه‌ی تاقه‌ت نه ده‌سم سه‌نده‌ن

مه‌حاله‌ن ئیمشه‌و گیان وه رو به‌رده‌ن

جاریوته‌ر ته‌واف ئاسانه‌ش که‌رده‌ن

یاخوا سه‌بووری وه دل باوه‌ری

خه‌زانه‌ی ئارام پیم عه‌تا که‌ری

به‌ل وه رو به‌روون وه هه‌ر حال ئیمشه‌و

که‌روون زیاره‌ت ده‌رگانه که‌ی ئه‌و

سه‌ر بنیه‌و وه خاک ئاسانه‌ی دلبه‌ر

به‌و ئاره‌زووی دل گیان به‌رشو وه به‌ر