مشاهده دیوان استاد مولوی کرد (ئه‌ی روشنیی چه‌م)

متن کامل شعر ئه‌ی روشنیی چه‌م از مولوی کرد:

ئه‌ی ڕۆشنیی چه‌م تاکه‌ی ته‌شریف به‌ر

لێڵاوی سا ده‎ی هووناوه‌ی هوون که‌ر

په‌ی چێش قیبله‌که‌م عه‌زمی سه‌فه‌ر که‌رد

سێڵاوی دووریش ڕیشه‌ی هه‌ستیم که‌رد

بینایی وه ڕاست دڵه‌ی پڕ ده‌ردم

ئای چه‌ند سه‌رسه‌خت بیم لوای نه‌مه‌ردم

بڵێسه‌ی کووره‌ی هیجرانی باڵات

گه‌رمیی مه‌حروومیی تۆزه‌که‌ی پاڵات

ئایر دان به‌ی ته‌ور مۆبه‌ت سه‌رای دڵ

یاده‌که‌ت مه‌نده‌ن په‌ی مه‌سکه‌ن خه‌جڵ

دڵه وه باده‌ی وه‌سڵش بادی بی

ده‌ماخت نه ئه‌وج برجی شادی بی

هیجرانی باڵاش وه هیچ مه‌زانای

وێت وه ساحیب سه‌بر تاقه‌ت مه‌وانای

سا ئیسه ها ده‌رد دووریش ئاوه‌رد جۆش

سه‌برت ئه‌ر ئازان بمانۆ شنۆش