مشاهده دیوان استاد مولوی کرد (ئاره‌زووی ئازیز)

متن کامل شعر ئاره‌زووی ئازیز از مولوی کرد:

ئاره‌زووی ئازیز وه‌نه‌م سه‌ر داوه

نه هه‌رده‌ی ده‌روون ئایر وه‌رداوه

تاقه‌ت بی وه هوون جه سه‌ختیی زامان

تک‌تک چه‌نی هه‌رس ڕێزا وه دامان

خه‌م نه سه‌رجۆی هوون سارای دڵ جه‌م جه‌م

بار چنی چون فه‌وج قافڵه‌که‌ی عه‌جه‌م

هه‌ر وه زۆر مه‌نده‌ن نیم نه‌فه‌س باقی

واده‌ی ده‌ورته‌ن هانا هه‌ی ساقی

ده‌ورێ‌ده‌ر وه ناز وه پیاڵه‌وه

ژه‌نگی دڵ وه جام مه‌ی بماڵه‌وه

بۆی گوڵاڵه‌ی ده‌رد دڵبه‌ر عه‌زیزه‌ن

مه‌زه‌ی تامی خه‌م یاران له‌زیزه‌ن

فه‌ریادڕه‌سیم که‌ر نه جای گشت که‌سم

مازه ئه‌و له‌زه‌ت به‌رشۆ نه ده‌سم

ئیحیام که‌ر وه جام سافی یه‌ک مه‌نی

به‌ڵکوو بمانوون په‌ی غه‌مێ هه‌نی