دانلود دکلمه من ناوم کیسه‌له از شیرکو بیکس همراه با متن

دانلود دکلمه 

متن دکلمه من ناوم کیسه‌له از شیرکو بیکس:

ئێواره‌تان باش

من ناوم کیسه‌ڵه

ئه‌وه چه‌ند ساڵه له‌م گۆی ئاوه حه‌ماڵی ئه‌که‌م

ئا ئه‌و کونه‌ش ماڵه‌که‌مه

به‌ڵام دوێنێ چه‌ند قاچێکی نیشتمانم ڵی په‌یا بوون

توڕاو تڕۆ به نوکه شه‌ق هه‌تا ئه‌و خواره بردیانم

پێیان وتم له به‌‎ر به‌رژه‌وه‌ندی ئاوو ئه‌و شاخانه

له به‌‎ر به‌رژه‌وه‌ندی هوماو بازو

ئه‌و هه‌موو که‌ڵه کێویانه

ئه‌بێ بڕۆی هه‌تا زووه ئێره چۆڵکه‌ن

چونکه هه‌ڤاڵ هه‌ڵۆ زاده وا به نیازه

له دوای نه‌ورۆز ئا ئه‌م ئاسته له‌م سه‌ره‌وه

هه‌تا ئه‌وسه‌ر بکا

به گێڵکه‌ی نازداری گوڵی خه‌ش خاش

من گوێم لێیه

لێره خاک

نرکه نرکێتی و ئه‌ناڵێنێ و

ئه‌وه‌نده‌یان لێ دزیوه

له‌مسه‌ره‌وه هه‌تا ئه‌وسه‌ری فیدڕاڵی

هه‌موو جه‌سته‌ی کوناوده‌ره

ئه‌م کاته‌و باش

من ناوم عه‌داله‌ته

له‌سه‌ر زه‌مین چاوێکی خواو ده‌ستێکی خودام

ئه‌وه‌ته‌ی هاتومه‌ته ئه‌م نیشتیمانه‌وه

که‌س نام ناسێ و که‌س نامبینێ و

ئه‌وه‌ی ناوی نه‌بێ منم

من لێره ته‌نهام هه‌مووشه‌وێ

به‌سێپاکه‌ی خۆمه‌وه ئه‌م به‌ستنه‌وه

پلسته‌رێکیش ئه‌ده‌ن له ده‌مم

ئه‌م نیشتیمانه ئه‌وه‌نده رقی له‌منه

هه‌ر هه‌لێکی بۆ هه‌ڵکه‌وێ سه‌رم ئه‌برێ

من به ئاسانی نادزرێم

به‌ڵام لێره گه‌ر ئاگام له خۆم نه‌بێ

ئه‌م دزن و ئه‌م فڕێنن

ماسکه‌کانی من ئه‌به‌ستن

ته‌رازوه‌که‌م هه‌ل ئه‌گرن و ئه‌چنه ده‌رێ

بۆ ناو خه‌لک و سلسار سلسار

ئه‌ڵێن ئێمه نه‌ک عه‌داله‌ت

خودایه‌کی تازه‌هاتووی ئه‌م وڵاته‌ین

ئه‌م ده‌ست به‌و ده‌ستی نه‌زانی و په‌نجه دزرا

ئه‌م قاچ به‌و قاچی نه‌زانی رێگه‌دزرا

ئه‌م چاو به‌و چاوی نه‌زانی و سه‌رنج دزرا

ئه‌م بال به‌و بالی نه‌زانی و فرێن دزرا

ساروماره ساروماره

ئه‌م دیرۆکی ده‌سلاتی سه‌ر زه‌مینه‌و

بۆنی ده‌می درۆکانی ئه‌م رۆژگاره