مشاهده دیوان استاد مولوی کرد (ئه‌و جا به‌زمگه‌ی)

متن کامل شعر ئه‌و جا به‌زمگه‌ی از مولوی کرد:

ئه‌و جا به‌زمگه‌ی که‌س جێ نه‌ڕه‌سته

مه‌نزڵگه‌ی سه‌یاد هه‌زاران خه‌سته

من نه‌چیره که‌ی هه‌زار زام وه‌رده

هه‌ر زامێ په‌ی وێش زوخاو سه‌ر که‌رده

ترسیای سه‌دای ماردم هۆش به‌رده

ڕه‌میای بۆی بارووت هه‌رده وه هه‌رده

که‌ی ته‌وانای سه‌بر دیارانمه‌ن

یا په‌روای تاقه‌ت بێ یارانمه‌ن

ڕووم که‌رد وه سارای هه‌رد و به‌رده‌وه

وه سه‌د ترس و له‌رز جه‌سته‌م شه‌رده‌وه

چ داوایێوه‌ن مه‌که‌ردێم چه‌نی

بازدێم نیم ڕه‌مه‌ق په‌ی جارێو هه‌نی