مشاهده دیوان استاد مولوی کرد (بی‌نازه‌ن)

متن کامل شعر بی‌نازه‌ن از مولوی کرد:

بێ‌نازه‌ن ئه‌سباب ئه‌سپ و سواریت

بێ که‌یفه‌ن ئه‌ساس خاسه‌ی شکاریت

یاوه‌ران جه‌مه‌ن واده‌ی شکاره‌ن

ئای لاڵ بام سه‌دای تۆ نادیاره‌ن

په‌نهانه‌ن سیمای سیمین واره‌که‌ت

شێوه‌ی کۆته‌ڵه‌ن یادگاره‌که‌ت

خه‌یاڵی باڵات نه ئایینه‌ی چه‌م

سه‌بته‌ن چون یادت نه دڵه‌ی پڕ خه‌م

دڵ گوم بۆ یاگه‌ش مه‌نزڵگه‌ی چه‌مه‌ن

چه‌م گوم بۆ یاگه‌ش دڵه‌ی پڕ خه‌مه‌ن

دڵ دایم وه ویر ئه‌و خه‌یاڵ شاده‌ن

چه‌م قایم مه‌شغووڵ نیگای ئه‌و یاده‌ن