شعر هه‌له‌بجه از جلال ملکشاه

متن کامل شعر هه‌له‌بجه از جلال ملکشاه:

هەڵەبجە زامیڪی ناسۆرە

هەر زووخی لێ ئەتڪێ

ئەڕژێتە ناو گۆمی گنخاوی ویژدانی سەدەی بیست

هاواری هەڵەبجە

ئاسمانی ڕاچڵەڪاند

خوا تف و لەعنەتی لە سیمای زەوی ڪرد

موویەڪ لە لاشەی ئەم دەعبایە نەبزووت

دنیای کەڕ هاواری پێنج هەزار پەپوولەی

دیلی نێو دۆزەخی شەیتانی هەر نەبیست

لە مێژوو بپرسن

نەورۆزی کام وڵات

ئاوری ڪۆگای قژ، بسکی خاو

ژیلەمۆی برژانگی چاوی جوان

ڪاکۆڵ و پەرچەمی منداڵی ساوایە

ئەمە نە ئاڪامی ئاڪاری خۆمانە و

نە دەستی چارەنووس

یاسای دەستڪردی بەدخواڪانی زەوینە

لە ئاسمان بپرسن

زەوینی پڕ تاوان

بەستێنی جەولانی ڪام خوایە

هەڵەبجە

هاواری ئینسانە

ئینسانی بێ پەنا و تەنیای ئەم زەمانە

وەڪ ڕەوە ئاسڪێکە، بێ داڵدە

لە هەموو لایەڪەوە دستڕێژی لێ ئەڪەن

بۆ هەر لا ڕوو دەڪا، هەر تەڵە و هەر داوە

هەڵەبجە شڪانی گەلێڪە

وڵات بە وڵات و شار بە شار دەیگێڕم

نازانم لە ڪامە دادگای عادڵدا، وەڪ تفێڪ

تەژی لەنەفرەت و ڕق و قین

هەڵیداوێمە نێو چاوانی ئەم قەڕنە بەدناوە