دانلود کتاب صوتی گه‌رمه‌شین از علی الفتی

دانلود آهنگ 

متن دکلمه گه‌رمه شین از دکتر علی الفتی:

کی وه‌ت دوواره‌ بایدوو ئاگر بێه‌ی له‌ گیانم؟
   ھه‌ێ سامْ  سۊیه‌ڕ چوه‌ کردی وه‌ سه‌رده‌واێ زه‌لانم؟
   
   له‌ ه‌ۊره‌ۆچۊ چه‌وه‌ گه‌م ره‌نگ ره‌ژیاێ ئیمه‌
   وه‌ ھاتند دوواره‌ ره‌نگْ تره‌ ک ڕه‌ژانم
   
   ھه‌م بوو ت دا له‌ لۊتم   له‌ێوا دازلکیامه‌
   ھه‌م ناو ئه‌زیزه‌ گه‌ێ خوه‌د په‌شتیاسه‌ قه‌ێ زووانم
   
   وه‌ خوه‌م وه‌تۊم بایدنه‌و لاوا له‌ لید نه‌ که‌م دی
   چۊکه‌و له‌ شاقه‌ێ ده‌نگد په‌ڕ و پووم ڕزانم
   
   شاقه‌د شێوانه‌م ئمشه‌ و سه‌ ر نامه‌ ئێ که‌شه‌یله‌
   سه‌رم ھه‌ڵگردمه‌ و چم ئڕاێ کووره‌ نیه‌زانم!!
.
.
.زووْن له‌ وه‌ر خڕ خاڵ له‌ ده‌س گوڵێ ھا بانْ سه‌روه‌نێ
   ماشته‌ێ له‌ مه‌خمه‌ڵ کرده‌ وه‌ر خوه‌زێه‌و وه‌ھاڵْ خاوه‌ني
   
   سقانم میل سرمه‌دان، چه‌وم وه‌ سرمه‌ێ قه‌ێ چه‌وێ
   مانی نه‌قاشی کردێه‌ گوڵه‌یلْ نه‌ خشْ داوه‌نێ
   
   برام بوودن وه‌ نه‌زر ئه‌و مانگه‌ شه‌وه‌یلْ سۆخمه‌ێه‌
   وه‌ له‌رزه‌ له‌رزْ سۆخمه‌ گه‌ێ، نازار پسا مه‌شکه‌ ژه‌نێ
   
   ئێ بوو شه‌ ماڵه‌ چۊ خوه‌شه‌، بوو کام خودا لایق دیه‌؟
   ھه‌م کام په‌ریخانه‌ خودا، له‌سه‌ر پسا له‌چگ که‌نێ
   
   سووفی له‌دین ده‌رچێ منم پیته‌ خه‌نه‌ێ خاس و گه‌نم
   به‌و لار و له‌نجه‌ دی به‌سه‌ دی که‌م بکه‌ بزه‌خه‌ني
   
   سه‌راو ڕێیه‌گه‌ لیم گردێه‌ و پا ناسه‌ناو کانی سه‌راو
   نازار ت زو پایلد بشوور وه‌خته‌ مْ بمرم له‌ تیه‌نێ
.
.
گڕێ به‌و بنیشه‌ لام دی ئاخر کارمه‌
   دی وه‌خت پا بڕین له‌ لاێ که‌س و کارمه‌
   
   ئه‌ه‌ای باڵا به‌رزه‌گه‌ ێ ناو دۊدمانْ که‌ڵه‌ڕ
   ته‌نیا ئمێد و ڕووژنای ئێ شه‌وه‌یلْ تارمه‌
   
   گه‌ل گه‌ل سه‌رکیشی که‌ر ھات، ناتی سه‌رێ بێه‌یدن
   که‌ێ ڕامێ که‌ی گلاره‌ وه‌ ئێ ھاڵْ زارمه‌؟
   
   گیانْ جفته‌ براگه‌د ت ئمێدْ ئاخری 
   له‌ ناو سزیان و برشیان له‌ ناو ته‌نیای شارمه‌
   
   نازار له‌ خودا بتووا بنووڕیده‌ ژیانم
   ده‌خیلْ زڵفد بۊمه‌ سوو نه‌وبه‌تْ دارمه‌
   
   فه‌رخێ نیه‌ که‌ێ ھایده‌ کوو؟ ھایده‌ وه‌رْ چه‌وه‌یلم
   گیان خوه‌د وه‌ ه‌ۊرد  بوو ئێ کزه‌ێ ھاوارمه‌
   
   له‌ ئێ زمسان سه‌ردْ به‌ین گه‌وراگانمان
   منیش له‌ وای داڵاھوو وه‌فرْ ساڵان بارمه‌
.
.
ت چیدن و له‌ شوونْ ت پایز و سه‌رده‌ واس ئه‌زیز
   قسیه‌ێ ته‌ مامْ ده‌روه‌چه‌یل پڕ له‌ خوداخوداس ئه‌زیز
   
   له‌ شوونْ ت تیه‌ریکه‌شه‌و بنیشه‌ خوه‌ش مانگه‌شه‌وم
   شوونْ په‌ژاره‌ و دڵخوه‌شی دى له‌ێره‌ جاوه‌ جاس ئه‌زیز
   
   تانه‌ێ ته‌مامْ ئاێه‌مه‌یل شانم شکان جه‌رگم سزان
   زانی له‌شونْ ئیمه‌ دی قسیه‌یل ناڕه‌واس ئه‌زیز؟
   
   ئاێه‌م کوشن سه‌رێ بڕن جوو یه‌ێ یه‌زیدْ نامه‌یێگ
   خودا له‌ێ رووژْ مه‌ێشه‌ره‌ یه‌ ده‌یشتْ که‌ربه‌لاس ئه‌زیز
   
   له‌ ئافره‌ته‌یلْ سه‌رپه‌تی تووزێ خوه‌شی که‌س نه‌ی وه‌چه‌و
   ده‌رمان و دڵخوه‌شی م دی سه‌روێن لاوه‌لاس ئه‌زیز
.
.واران ئه‌گه‌ر بووارێ له‌ ئی سییه‌ شه‌واره‌
   گوڵه‌یل زه‌رد و چه‌رمێ له‌ێره‌ مینگه‌نه‌واره‌
   
   ئه‌وسا ت خوه‌ش چنیده‌و ته‌نافْ گیسْ ھۊڵد
   چۊمانگه‌شه‌و دره‌وشێ له‌ ژێرْ ئه‌و ده‌واره‌
   
   شاپه‌روه‌ر خه‌ێاڵ ھه‌زار وه‌ھار دۊری
   ت ئۊشێ: خان مه‌سۊره‌ ئه‌و نازه‌نین سه‌واره‌؟
   
   گوڵْ مینا مله‌گه‌ێ بان نوواکۊیه‌ی مْ
   یه‌ێ جاڕ ئڕاێ خاترم سه‌ر ھێز بێه‌ وه‌ھاره‌
   
   په‌نا و گرمه‌ھڕ  شه‌وه‌یلْ سه‌ردْ زمسان
   خه‌و نه‌شکێده‌ بژانگم وڵم بکه‌ێ شه‌واره‌