دانلود کتاب صوتی گه‌رمه‌شین از علی الفتی | بخش ششم

::. بهترین کتاب های کردی دکتر علی الفتی در وب سایت موزیک کردی .::

دانلود آهنگ 

متن کامل کتاب گرمه شین از دکتر علی الفتی (بخش ششم):

ده‌رد بێستۊن دۊری په‌ڕاوه‌
   منیش له‌ دۊرید چه‌وم پڕ ئاوه‌
   
   خه‌زان ڕزانێه‌ گوڵه‌یل باخم
   ته‌نیا دڵخوه‌شیم باخ سه‌راوه‌
.
داڵاھوو نه‌چوو ھۊچ وه‌خت له‌ ھۊرد
   ھۊر نازاره‌یل له‌ێ خاکه‌ دۊرد
   
   بیلا وه‌هار بای گشتیان تیه‌نه‌و
   گووش ده‌ن وه‌ ناڵه‌و کزه‌ێ ته‌مۊرد
.سه‌رم سڕ مه‌ن له‌ داخ مه‌رگ فه‌رھاد
    یه‌ چۊ بێ که‌س ئه‌زیزان له‌ێره‌ گیان داد
   
   شنه‌فتم وه‌خت مردن چاوه‌ڕێ بۊ
   ھه‌ناسه‌ێ سه‌ردمه‌ ئه‌ێ داد
ته‌قه‌ێ ھاتو له‌ بانا ھات وه‌ره‌و خووار
   تفه‌نگچی پیر وه‌ قیژه‌و داد و ھاوار
   
   که‌ڵێ سه‌ر ناۊده‌ قه‌ێ که‌ور سییه‌ێگه‌و
   له‌ بانا تک تکیش خۊن ڕشیده‌و خوار

وه‌ختێ  ئه‌و گیس بڕیاێه‌ پا ناده‌ ناو خه‌ێاڵم
   یه‌ێ ئاسمان ھه‌ساره‌ چنیانه‌ ژێر باڵم
   
   چێه‌و وڕینه‌ێ که‌ێدن کوورپه‌ێ دڵم له‌شوونێ
   دی وه‌خته‌ وا بووه‌ێدن ئمشه‌و سزیاێ زخاڵم

شه‌وانه‌ ئی وڵاته‌ دایمه‌ پاوا
   جنازه‌ێ نازه‌نینان دایمه‌ ئاوا
   
   که‌سێ نه‌ۊ تا بگیرێدن ئه‌ڕامان
   ته‌مام ئه‌زره‌ته‌یلیش دایمه‌ لاوا

خوه‌زێه‌و دوواره‌ بايدن ئه‌زیز چۊ جار جاران
   تا ئاسمان نه‌چه‌میه‌ێ له‌ ژێر بار واران
   
   دۊیه‌ته‌ نامه‌ گه‌د ڕه‌سی ئاگر چێه‌ له‌گیانم
   نوسایده‌ دی نیه‌تیه‌ێدن که‌سم چۊ جارجاران

له‌ دل جوو ده‌لیا وه‌ چه‌و جوو سیه‌ڵی
   جوو لیموو ئه‌ڵوه‌ن شیرن و تیه‌ڵی
   
   چووپی کیشه‌ گه‌ێ واده‌ێ وه‌ھاری
   ت نازاره‌ گه‌ێ شار سه‌رپیه‌ڵی

نه‌ گه‌رمه‌شین نه‌ شینێ ھه‌س وه‌ شه‌رمه‌و
   نه‌ نازارێ گْ موور بارێ وه‌ نه‌رمه‌و
   
   چه‌نێ وێڵه‌ له‌شم ھه‌ێ دادمه‌و خوه‌م
   مه‌ خوه‌م پا بارمه‌و شان ده‌م وه‌ ته‌رمه‌و

ئێ ھه‌ناسه‌ێ سه‌ردمه‌ سۊن باوند بڕی
   بووده‌ شه‌ماڵ یا زه‌ڵان شه‌ۊیه‌ واڵه‌ گه‌د دڕی
   
   کارێ وه‌ پید بکه‌ێدن دی که‌س نه‌ناسێدنه‌د
   ئه‌وسا خوه‌شخوه‌ش باێه‌قوش له‌ناو ماڵه‌گه‌د چڕی

دڵم نه‌زر ئه‌مامێ که‌م م ئمشه‌و
   ئه‌ڕا تۊله‌ نه‌مامێ که‌م م ئمشه‌و
   
   ئه‌گه‌ر مه‌ولا به‌رێ نه‌ێده‌ نه‌مامم
   وه‌ گیان خوه‌ێ ته‌مامێ که‌م م ئمشه‌و

ئمشه‌و نه‌چوو ئه‌ڕاێ چه‌م به‌و له‌ێ چه‌وه‌یله‌ ئاو بووه‌
   به‌و له‌ێ سه‌راو بێده‌نگه‌ کونه‌ێ وه‌ خاوه‌ێ خاو بووه‌
   
   له‌و شه‌ونشینی ھه‌ر شه‌وه‌ به‌زمێ وه‌ ئیمه‌ێا به‌نه‌
   له‌ھه‌ر کوو نیشی باره‌ ھۊر له‌ به‌زم ئیمه‌ ناو بووه‌

ئۊشن که‌م بگیر خوو خه‌مد نیه‌يلێ
   خوه‌د دۊنیده‌ چه‌و یه‌ێ که‌پوو وه‌یلێ
   
   خه‌ڵات مه‌جنوون وه‌ باڵام بڕیاس
   بیل تا بگیرم ھاو گیس له‌یلێ

شه‌واره‌ و نه‌رمه‌ وارانيش له‌ سه‌ر كه‌ی
   له‌ شانی ئاسمانيش گرمه‌ ھر كه‌ی
   
   بلاچه‌ی ئه‌وره‌ گانوو ته‌م ته‌مه‌ لول
   له‌ لافاوی ده‌وار ھه‌لكن خه‌وه‌ر كه‌ی